افغانستان وچ 25 دہشت گرد تنظیمیں کم کر رہیاں نیں: محسن نقوی
عالمی برادری نوں ایس خطرے نال نمٹن لئی رَل مِل کے کم کرن دی لوڑ: وفاقی وزیر داخلہ
اقوام متحدہ دے سیکرٹری جنرل انتونیو گوتریس نال ملاقات، طلال چودھری وی شریک
اسلام آباد وفاقی وزیر داخلہ محسن نقوی تے وزیر مملکت طلال چودھری نال اقوام متحدہ دے سیکرٹری جنرل انتونیو گوتریس نے ملاقات کیتی۔ ملاقات دوران عالمی تے علاقائی صورتحال نال نال امن مشنز دے معاملےآں اُتے وی تبادلہ خیال کیتا گیا۔
محسن نقوی نے آکھیا کہ پاکستان دہشت گردی دے خلاف عالمی جنگ لڑ رہیا اے۔ افغانستان وچ ایس ویلے 25 دہشت گرد تنظیمیں کم کر رہیاں نیں، جیہڑیاں دنیا دے امن لئی وڈا خطرہ نیں۔ عالمی برادری نوں ایس خطرے نال نمٹن لئی رَل مِل کے کم کرن دی لوڑ اے۔
اُنہاں آکھیا کہ پاکستان اقوام متحدہ دے امن مشنز وچ اپنا بھرپور کردار جاری رکھے گا۔ پاکستانی پولیس دے افسر تے اہلکار اقوام متحدہ دی پولیس وچ وی خدمتاں سرانجام دے رہے نیں۔ پاکستان نے امن مشنز وچ 181 جاناں دا نذرانہ پیش کیتا اے۔
اقوام متحدہ دے سیکرٹری جنرل انتونیو گوتریس نے آکھیا کہ اقوام متحدہ دے امن مشنز وچ پاکستان دی شرکت ہمیشہ نمایاں رہی اے۔ دنیا دے امن لئی پاکستان دا کردار قابلِ ستائش اے۔
وزیر داخلہ نے قدرتی آفتاں دے دوران پاکستان دی بھرپور مدد کرن اُتے اقوام متحدہ دے سیکرٹری جنرل دا شکریہ ادا کیتا۔
