پنجاب انفارمیشن کمیشن وچ تقرریاں دے خلاف گورنر ولوں وزیراعلیٰ نوں قانونی نوٹس
لاہور (کورٹ رپورٹر) جوڈیشل ایکٹوازم پینل نے پنجاب انفارمیشن کمیشن وچ تقرریاں دے خلاف گورنر پنجاب تے وزیراعلیٰ پنجاب نوں قانونی نوٹس بھیج دِتا اے۔
نوٹس وچ سوال چکیا گیا اے کہ تقرریاں وچ میرٹ تے شفافیت نوں کیویں یقینی بنایا گیا؟ تقرریاں دا اشتہار کتھے دِتا گیا؟ چیف انفارمیشن کمشنر دی تقرری دے میرٹ دا ریکارڈ سامنے کیوں نہیں لیا گیا؟
نوٹس وچ آکھیا گیا اے کہ آئین دے آرٹیکل 19 اے دے تحت عوام توں معلومات لُکاؤن دی کوئی گنجائش نہیں۔ پنجاب انفارمیشن کمیشن وچ تقرریاں دا مکمل ریکارڈ فراہم کیتا جاوے۔ جے ستّ دناں اندر معلومات فراہم نہ کیتیاں گئیاں تے لاہور ہائیکورٹ نال رجوع کیتا جائے گا۔
