اک مخصوص جماعت دی ہر خبر تے پراپیگنڈا جھوٹا ہوندا اے: عظمیٰ بخاری

پنجاب نوں کسے کولوں منگن دی لوڑ نہیں، دوجے صوبیاں دی مدد لئی حاضر آں، خیبر پختونخوا وچ وی دہشت گردی دے خاتمے تے ترقی دا دور شروع ہووے گا: وزیرِ اطلاعات

لاہور (نیوز ایجنسیاں) — وزیرِ اطلاعات تے ثقافت پنجاب عظمیٰ بخاری نے آکھیا اے کہ اک مخصوص جماعت دی ہر خبر تے پراپیگنڈا جھوٹ اُتے مبنی ہوندا اے، جس دا مقصد ڈالر کمانا اے۔ ایس جماعت دے رہنماواں دیاں آپنیاں موجاں لگیاں ہوئیاں نیں، جدکہ انہاں نے اپنی جماعت نوں تباہی دے دہانے اُتے پہنچا دِتا اے۔

پنجاب الحمدللہ بی آر ٹی، گرین بسّاں تے ٹرانسپورٹ دے شعبے وچ پورے ملک دی قیادت کر رہیا اے۔ ماضی وچ انہاں بسّاں نوں جنگلہ بس آکھن والے اج انہاں دی افادیت تے ضرورت نوں نظرانداز نہیں کر سکدے۔

پنجاب نوں اللہ تعالیٰ توں علاوہ کسے کولوں کجھ لین یا منگن دی لوڑ نہیں، تاہم جے کسے دوجے صوبے نوں مدد دی ضرورت ہووے تے پنجاب اوہدی مدد لئی حاضر اے۔

انہاں امید ظاہر کیتی کہ ان شاء اللہ خیبر پختونخوا وچ چوریاں تے نااہلی دا خاتمہ ہووے گا، دہشت گردی اُتے قابو پایا جاوے گا تے صوبے وچ ترقی تے خوشحالی دے نویں دور دا آغاز ہووے گا۔