منسوخ انتقالات دی بنیاد اُتے ملکیت ثابت نہیں ہُندی: سپریم کورٹ

اسلام آباد: منسوخ انتقالات دی بنیاد اُتے ملکیت ثابت نہیں ہُندی: سپریم کورٹ

اسلام آباد (اے پی پی) سپریم کورٹ نے قرار دِتا اے کہ منسوخ شدہ انتقالات دی بنیاد اُتے کسے جائیداد دی قانونی ملکیت ثابت نہیں کیتی جا سکدی۔ جدوں ملکیت متنازعہ ہووے تاں صرف قبضہ حاصل کرن دا دعویٰ دائر کرنا کافی نہیں، بلکہ ملکیت دے باقاعدہ اعلان دی استدعا کرنا وی ضروری ہُندا اے۔

عدالت نے کمالیہ وچ اک کنال زمین دے قبضے نال متعلق اپیل خارج کردیاں لاہور ہائی کورٹ دا فیصلہ برقرار رکھیا۔ جسٹس شاہد وحید ولوں لکھے گئے فیصلے وچ آکھیا گیا کہ اپیل کنندہ عبدالرحیم (مرحوم) دے قانونی وارث متنازعہ زمین اُتے اپنی قانونی ملکیت ثابت کرن وچ ناکام رہے۔

ایس توں علاوہ سپریم کورٹ نے قرار دِتا کہ حقِ شفعہ دے دعوے وچ قانون دے تحت مقرر کیتیاں گئیاں دونے طلباں ثابت کرنا لازمی اے۔ حقِ شفعہ دے ارادے دا مقررہ وقت اُتے تے واضح اظہار نہ کرن تے قانونی تقاضے ثابت نہ ہون دی صورت وچ دعویٰ کامیاب نہیں ہو سکدا۔

جسٹس شاہد وحید نے تحریری فیصلے وچ سرفراز احمد تے ہوراں دی اپیل مسترد کر دِتی۔