چینی سرمایہ کار پاکستان وچ پیداواری صنعتی یونٹ قائم کرن: احسن اقبال
اسلام آباد (اے پی پی) وفاقی وزیر منصوبہ بندی، ترقی تے خصوصی اقدامات احسن اقبال نے آکھیا اے کہ سی پیک دے دوجے مرحلے (سی پیک 2.0) وچ صنعتی ترقی، برآمدات وچ اضافے، ٹیکنالوجی دی منتقلی تے نجی شعبے دی سرمایہ کاری نوں فروغ دین اُتے توجہ دتی جا رہی اے۔ انہاں آکھیا کہ چینی سرمایہ کار پاکستان وچ پیداواری تے صنعتی یونٹ قائم کرن۔
چین دی سنکیانگ حکومت دے سینئر مشیر یوان جیان من دی قیادت وچ آئے کاروباری وفد نال ملاقات دوران احسن اقبال نے آکھیا کہ کاروباری رابطیاں نوں ہور مضبوط بناؤن دی لوڑ اے۔
اس توں علاوہ پاکستان سوسائٹی آف ڈویلپمنٹ اکنامسٹس دی 39ویں سالانہ کانفرنس دا افتتاح کردیاں احسن اقبال نے آکھیا کہ پاکستان دی معاشی خودمختاری اپنے ترقیاتی وسائل آپ کمان دی صلاحیت نال جڑی ہوئی اے۔
n
