آٹے دیاں قیمتاں وچ ہور اضافہ، کراچی وچ سب توں مہنگا
آٹے دیاں قیمتاں وچ ہور اضافہ، کراچی وچ سب توں مہنگا
اسلام آباد وچ 20 کلو آٹے دا تھیلا 3373 روپے تک فروخت، راولپنڈی وچ قیمت 3333 روپے اُتے برقرار
لاہور (مانیٹرنگ ڈیسک، نیوز ایجنسیاں) — ملک بھر وچ آٹے دیاں قیمتاں وچ ہور اضافہ ہو گیا اے۔ وفاقی ادارہ شماریات دیاں دستاویزات مطابق کراچی وچ 20 کلو آٹے دا تھیلا 140 روپے مہنگا ہو کے 3540 روپے تک پہنچ گیا اے۔
فیصل آباد وچ 20 کلو آٹے دا تھیلا 800 روپے مہنگا ہو کے 3000 روپے تک پہنچ گیا، جدکہ خضدار وچ 400 روپے اضافے نال قیمت 3400 روپے ہو گئی اے۔
لاڑکانہ وچ 20 کلو آٹے دا تھیلا 300 روپے مہنگا ہو کے 3200 روپے، حیدرآباد وچ 280 روپے اضافے نال 3480 روپے، کوئٹہ وچ 190 روپے مہنگا ہون توں بعد 3220 روپے، جدکہ سکھر وچ 140 روپے اضافے نال 3200 روپے تک پہنچ گیا اے۔
سرگودھا وچ 20 کلو آٹے دے تھیلے دی قیمت 2933 روپے اے۔ ملتان وچ تھیلا 66 روپے مہنگا ہو کے 2933 روپے تک پہنچ گیا اے۔
اسلام آباد وچ 20 کلو آٹے دا تھیلا 3373 روپے تک فروخت ہو رہیا اے، جدکہ راولپنڈی وچ 20 کلو تھیلے دی قیمت 3333 روپے اُتے برقرار اے۔
گوجرانوالہ وچ 20 کلو آٹے دا تھیلا 3000 روپے، سیالکوٹ وچ 3133 روپے تے لاہور وچ 2300 روپے تک مل رہیا اے۔
