پی ٹی آئی کور کمیٹی دا اجلاس، اپوزیشن لیڈر نوں بدلّن دی تجویز

فیکٹ فائنڈنگ کمیٹی بناؤن دی تجویز سی، حتمی فیصلہ نئیں ہویا: نعیم حیدر پنجوتھہ

محمود اچکزئی نوں بدلّن دی تجویز اُتے بیرسٹر گوہر نے آکھیا، ایہہ فیصلہ عمران خان کرن گے: گفتگو

اسلام آباد (مانیٹرنگ ڈیسک) تحریکِ انصاف دی کور کمیٹی دے اجلاس وچ قومی اسمبلی دے اپوزیشن لیڈر محمود اچکزئی نوں تبدیل کرن دی تجویز سامنے آئی اے۔

ٹی وی نال گفتگو کردیاں پی ٹی آئی رہنما نعیم حیدر پنجوتھہ نے آکھیا کہ پی ٹی آئی کور کمیٹی دا اجلاس ہویا اے۔ پی ٹی آئی وچ کوئی دراڑ نئیں، سارے لوک پارٹی دے بانی عمران خان نال جڑے ہوئے نیں۔ فیکٹ فائنڈنگ کمیٹی بناؤن دی صرف تجویز سی، کوئی حتمی فیصلہ نئیں ہویا۔

نعیم حیدر پنجوتھہ نے آکھیا کہ اجلاس وچ اپوزیشن لیڈر محمود اچکزئی نوں تبدیل کرن دی تجویز آئی، پر بیرسٹر گوہر نے آکھیا کہ جدوں اوہناں نوں عمران خان نے مقرر کیتا اے، تاں تبدیلی دا فیصلہ وی اوہ آپ ہی کرن گے۔

تحریکِ انصاف دے رہنما نے آکھیا کہ وزیرِاعلیٰ خیبر پختونخوا سہیل آفریدی دی بانی پی ٹی آئی دی رہائی دے حوالے نال تیاری مکمل سی۔ سلمان اکرم راجہ پارٹی دے سیکرٹری جنرل نیں تے سوال پچھنا اوہناں دا حق اے۔ سہیل آفریدی عمران خان دے مؤقف اُتے قائم رہے۔