مزاحمتی سیاست نے پی ٹی آئی نوں نقصان پہنچایا: شوکت یوسفزئی
ارکنان دے خلاف کریک ڈاؤن جاری، قیادت دا ہن تک کوئی لائحہ عمل سامنے نہیں آیا۔ قیادت پارٹی نوں بند گلی وچوں کڈھن لئی اگے آوے: سیکرٹری اطلاعات
پشاور (این این آئی) تحریکِ انصاف خیبر پختونخوا دے سیکرٹری اطلاعات شوکت یوسفزئی نے آکھیا اے کہ 11 اکتوبر توں کارکنان دے خلاف بدترین کریک ڈاؤن جاری اے، پر پارٹی قیادت ولوں ہن تک کوئی لائحہ عمل سامنے نہیں آیا۔
اپنے ویڈیو پیغام وچ اُنہاں آکھیا کہ پارٹی کارکن 11 اکتوبر نوں وی لائحہ عمل دا انتظار کردے رہے، پر جنہاں نے منصوبہ دینا سی، اوہ سامنے ای نہیں آئے۔ میں پہلے ای آکھ دتا سی کہ لانگ مارچ ملتوی کرکے مذاکرات کیتے جان۔
مزاحمتی سیاست نے پارٹی نوں نقصان پہنچایا اے، ہن عملی سیاست ول آؤنا پئے گا۔ اداریاں نال کوئی لڑائی نہیں، ایس تاثر نوں ختم کیتا جاوے۔
ملک دے دفاع لئی جاناں قربان کرن والے فوجی تے پولیس دے جوان قابلِ فخر نیں۔ پارٹی دی پہلی ترجیح عمران خان لئی ریلیف حاصل کرنا ہونا چاہیدا اے۔ پارٹی دی غلط حکمتِ عملی دی وجہ توں اوہ تِن سال توں جیل وچ نیں۔
پارٹی نوں بند گلی وچوں کڈھن لئی بیرسٹر گوہر، سلمان اکرم راجہ، اسد قیصر، عاطف خان تے علی محمد نوں اگے آؤنا پئے گا۔ سہیل آفریدی، جنید اکبر تے بابر سلیم سواتی نوں عدالت وچ پیش کیتا جانا چاہیدا اے۔ انہاں آکھیا کہ ایہہ تینوں ایس ویلے کتھے نیں، ایس بارے کجھ وی پتا نہیں۔
