پی ٹی آئی براہِ راست کوئی مذاکرات نہیں کرے گی: اسد قیصر

اے پی سی وچ جیہڑا متفقہ فیصلہ ہووے گا، اوسے دے مطابق اگے ودھیا جائے گا۔ وفاق دے فیصلےآں دا اکّو جواب بھرپور مزاحمت اے: سابق سپیکر

اسلام آباد (مانیٹرنگ ڈیسک، آئی این پی) پاکستان تحریکِ انصاف (پی ٹی آئی) دے مرکزی رہنما تے قومی اسمبلی دے سابق سپیکر اسد قیصر نے آکھیا اے کہ پارٹی براہِ راست کوئی مذاکرات نہیں کرے گی۔ خیبر پختونخوا وچ وفاقی حکومت نے جیہڑے اقدامات چُکے نیں، اوہناں توں بعد مذاکرات ممکن نہیں رہے۔ ہن جیہڑا وی فیصلہ ہووے گا، اوہ اپوزیشن اتحاد تے آل پارٹیز کانفرنس (اے پی سی) وچ ہووے گا۔

پی ٹی آئی رہنما نے اپنے بیان وچ ہور آکھیا کہ اے پی سی وچ جیہڑا متفقہ فیصلہ ہووے گا، اوسے دے مطابق اگے ودھیا جائے گا۔ پی ٹی آئی براہِ راست کوئی مذاکرات نہیں کرے گی۔ وفاق دے فیصلےآں دا اکّو جواب بھرپور مزاحمت اے، ایہہ اپنے کیتے دا آپ بھگتن گے۔ خیبر پختونخوا وچ ایمرجنسی تے گورنر راج دے نفاذ دا ہر فورم اُتے مقابلہ کیتا جائے گا۔