کے الیکٹرک دی غفلت 14سالہ بچہ کرنٹ نال موت دے منہ وچ چلا گیا

کراچی: کورنگی وچ کے الیکٹرک دی غفلت نال14سالہ بچہ کرنٹ لگن نال موت دے منہ وچ چلا گیا ، علاقہ وچ رہن والیاں دے مطابق حادثہ بجلی چوری کرن لئی لگے ہوئے تار دی وجہ نال پیش آیا۔ کراچی اندر بجلی چوری لئیلائیکنڈے نال جان چلی گئی ، کورنگی ڈھائی نمبر دے قریب دکان اندر غیر قانونی طور تے بجلی دا تار لگیا ہوئیا سی ، علاقے وچ رہن والیاں نے آکھیا کہ دکاندار بجلی چوری کردا سی۔موت دے منہ جاون والے کاشف دے دوستاں نے آکھیا کہ اے سنوکر کھیلدیاں ہوئیاں دو دفعہ کرنٹ لگیا ، تے اساں دکاندار نوں آکھیا وی لیکن اوس نے گل تے کوئی سوچ وچار نہیں کیتا، مرن والے کاشف سبزی فروش تے غریب گھرانے نال تعلق رکھدا سی ، حادثے توں بعد اوس دے گھر والے غم نال نڈھال ہوئے نیں ۔