رہائش دیاں ضروریات دا جائزہ، وفاقی اداریاں کولوں ملازم خواتین دا ڈیٹا طلب

متعلقہ ٹاسک فورس ایس حوالے نال 25 نومبر تک وزیراعظم نوں رپورٹ پیش کرے گی

غیر شادی شدہ، بیوہ تے طلاق یافتہ خواتین دے سروے فارم بھیجے جان: وزارتِ ہاؤسنگ

اسلام آباد (ایس ایم زمان) وفاقی حکومت نے اسلام آباد وچ خواتین سرکاری ملازماں دیاں رہائشی ضروریات دا جائزہ لین لئی ڈیٹا جمع کرن دے احکامات جاری کیتے نیں۔ ایس سلسلے وچ وزارتِ ہاؤسنگ تے تعمیرات نے وفاقی وزارتاں، ڈویژناں تے محکماں کولوں خواتین ملازماں دے اعداد و شمار طلب کر لَئے نیں۔

وزارت دے مطابق، ایس مقصد لئی قائم کیتی گئی ٹاسک فورس 25 نومبر تک وزیراعظم نوں اپنی رپورٹ پیش کرے گی۔

اسلام آباد وچ تعینات اوہناں خواتین ملازماں دا ڈیٹا منگیا گیا اے، جیہڑیاں غیر شادی شدہ، بیوہ یا طلاق یافتہ نیں تے جنہاں دے بچیاں دی تعداد دو توں ودھ نہیں اے۔

ڈیٹا حاصل کرن لئی سروے فارم دا لنک وی فراہم کیتا گیا اے تے ایہ یقین دہانی کروائی گئی اے کہ سروے وچ حصہ لین والے افراد دیاں انفرادی رائے مکمل طور اُتے خفیہ رکھیاں جان گیاں۔

متعلقہ اداریاں نوں ہدایت کیتی گئی اے کہ اوہ مکمل کیتے گئے سروے فارم مقررہ وقت اندر ارسال کرن، تاکہ نویاں رہائشی سہولتاں دی تعداد، سائز تے مناسب تھاواں دا تعین کیتا جا سکے۔