پروفیسر فواد صدیقی تے طیب عباس سی پی ایس پی کونسل دے ممبر مقرر
مستعفی ہون والے ممبر پروفیسر سہیل صابر تے محمود ایاز دی جگہ تقرریاں کیتیاں گئیاں
اسلام آباد (ایس ایم زمان) کالج آف فزیشنز اینڈ سرجنز پاکستان (سی پی ایس پی) دی کونسل وچ دو نویں ممبران دی تقرری کیتی گئی اے۔
یونیورسٹی آف ہیلتھ سائنسز لاہور دے وائس چانسلر میجر جنرل پروفیسر سہیل صابر تے کنگ ایڈورڈ میڈیکل یونیورسٹی لاہور دے وائس چانسلر پروفیسر محمود ایاز دے استعفیاں توں بعد ایہہ دو نشستاں خالی ہوئیاں سن۔
سی پی ایس پی دے قواعد و ضوابط دے مطابق، کونسل تے مجاز اتھارٹی دی منظوری نال انہاں خالی نشستاں اُتے باقی مدت لئی نویں ممبران مقرر کیتے گئے نیں۔
میجر جنرل پروفیسر فواد احمد صدیقی نوں میجر جنرل پروفیسر سہیل صابر دی جگہ، جدکہ سینئر فیلو آف سرجری تے فاطمہ میموریل ہسپتال کالج آف میڈیسن اینڈ ڈینٹسٹری دے پرنسپل ڈاکٹر طیب عباس نوں پروفیسر محمود ایاز دی جگہ کونسل دا رکن مقرر کر دتا گیا اے۔
سی پی ایس پی دے سیکرٹری پروفیسر ارشاد وحید نے دوناں ممبران دی تقرری دے احکامات جاری کر دتے نیں۔
