سعودی عرب پاکستانی ڈاکٹر لئی ایوارڈ

سعودی عرب : پاکستانی ڈاکٹر ضیا ء اللہ خان نوں کورونا دی ٹیم دے کپتان دی حیثیت لئی خدمات سر انجام دیون تے ایوارڈ دتا گیا ۔ عرب نیوز دے مطابق ڈاکٹر ضیا ء اللہ خان پچھلے 4سالاں توں عرب وچ رہ رہیے نیں اوہناں نے صحت بارے کافی پروگراماں وچ کم کیتا اے جس وچ تپدق، ڈینگی تے ملیریا شامل نیں ۔ہن ڈاکٹر ضیاء اللہ خان جدہ وچ وزارت صحت نال کورونا نگرانی تے ڈیٹا اینلیس ٹیم دے نال کم کر رہیے نیں۔ ڈاکٹر ضیاء اللہ خان نے میڈیا نال گل بات کردیاں آکھیا کہ سعودی عرب دی وزارت صحت نے کورونا دے خلاف جنگ اندر 100دن دی خدمات دے اعتراف وچ طبی عملے نوں ایوارڈ دتے تے میں وی ایہ ایوارڈ لیون والیان وچوں آں ۔ اوہناں آکھیا کہ اپنی خدمات دی پہچان ملن اُتے میں اپنے آپ تے فخر محسوس کردا واں ، میں شمالی وزیر ستان توں آیاں واں تے ایہ ایوارڈ نا صرف میرے لئی بلکہ میرے علاقے تے پورے پاکستان لئی اک اعزاز اے ۔