اٹک: یاسمین راشد دا ڈی ایچ کیو ہسپتال دا دورہ، طبی سہولتاں دا جائزہ
اٹک: ڈاکٹر یاسمین راشد نے ڈی ایچ کیو ہسپتال ضلع اٹک دا دورہ کیتا۔ وزیر صحت پنجاب نے ہسپتال وچ طبی سہولتاں دا جائزہ لیا تے مریضاں دی عیادت کیتی۔ وزیر صحت ڈاکٹر یاسمین راشد دا کہنا سی پنجاب دے سرکاری ہسپتالاں وچ کورونا دے مریضاں دا بہترین علاج جاری اے، ڈاکٹراں دی دن رات دی محنت نال کیساں وچ مسلسل کمی واقع ہو رہی اے، لہور وچ کورونا وائرس دا گڑھ ہون دے باوجود وائرس تے قابو پایا، کورونا وائرس نوں شکست دے کے صحت یاب ہون والیاں دی تعداد وائرس نال متاثر ہون والیاں توں کدھرے ودھ اے۔ یاسمین راشد نے ہور آکھیا پنجاب وچ احتیاطی تدابیر اپنان تے سمارٹ لاک ڈاؤن پاروں حالات بہت بہتر ہو چکے نیں، ضلع اٹک وچ وی کورونا وائرس دے کیساں وچ مسلسل کمی ساہمنے آ رہی اے۔
