کویت دی نیول فورس دے کمانڈر دی امیر البحر ایڈمرل نوید اشرف نال ملاقات، پیشہ ورانہ امور اُتے گل بات
اسلام آباد (اے پی پی) کویت دی نیول فورس دے کمانڈر میجر جنرل سیف عبدالہادی الحملان نے نیول ہیڈکوارٹرز اسلام آباد وچ چیف آف دی نیول سٹاف ایڈمرل نوید اشرف نال ملاقات کیتی۔
ایس موقعے اُتے باہمی پیشہ ورانہ دلچسپی دے معاملے، علاقائی سمندری سکیورٹی دی صورتِ حال تے دوطرفہ بحری تعاون نوں مضبوط بناؤن بارے گل بات کیتی گئی۔
دونواں دھراں نے پائیدار رابطیاں دی اہمیت اُتے زور دتا تے پیشہ ورانہ تربیت، صلاحیتاں وچ اضافے تے دفاعی تعاون نوں ہور ودھاؤن دے طریقیاں اُتے تبادلۂ خیال کیتا۔
دونواں رہنماؤں نے پاکستان تے کویت دے دیرینہ دفاعی تعلقات نوں ہور مضبوط کرن دے عزم دا اعادہ کیتا۔
