بھارتی جیلواں توں رہا ہوئے 4 پاکستانی ماہی گیر ایدھی فاؤنڈیشن دے حوالے
لاہور (کرائم رپورٹر) بھارتی جیلواں توں رہائی پاؤن والے چار پاکستانی ماہی گیراں نوں رینجرز حکام نے ایدھی فاؤنڈیشن دے حوالے کر دتا۔
ترجمان ایدھی فاؤنڈیشن دے مطابق رہائی پاؤن والے ماہی گیراں وچ احمد نواز، عبدالرحمٰن، وقاص علی تے ارشد شامل نیں، جیہڑے پچھلے تِن سال توں بھارتی جیلواں وچ قید سن۔
احمد نواز تے عبدالرحمٰن دا تعلق کورنگی نمبر 4 نال اے، جدکہ وقاص علی ولد مشتاق تے ارشد ولد اکرم اپنے پتے دسّن توں قاصر نیں۔
ایدھی فاؤنڈیشن دے چیئرمین فیصل ایدھی دی خصوصی ہدایت اُتے چاراں ماہی گیراں نوں مفت سفری سہولتاں فراہم کیتیاں جا رہیاں نیں، تاں جو اوہ اپنے گھراں تک پہنچ سکّن۔
