سید محمد علی شاہ پیپلز پارٹی خیبر پختونخوا دے صدر مقرر، بلاول نے عہدیداراں دیاں تقرریاں کر دتیاں

پیپلز پارٹی خیبر پختونخوا لئی عہدیداراں دیاں تقرریاں، بلاول بھٹو زرداری نے منظوری دے دتی

کراچی (اے پی پی) پیپلز پارٹی دے چیئرمین بلاول بھٹو زرداری نے پیپلز پارٹی خیبر پختونخوا لئی عہدیداراں دیاں تقرریاں دی منظوری دے دتی اے، جیہڑیاں فوری طور اُتے لاگو ہون گیاں۔ بلاول ہاؤس دے میڈیا سیل ولوں جاری بیان دے مطابق سید محمد علی شاہ نوں صدر مقرر کیتا گیا اے۔

ساجد حسین طوری تے امجد خان آفریدی نوں سینئر نائب صدراں دیاں ذمہ واریاں سونپیاں گئیاں نیں۔ ڈاکٹر افسر الملک، محبوب اللہ جان، رضا اللہ چغر مٹی، عابد اللہ یوسفزئی تے شاکر اللہ نائب صدر ہون گے۔

ملک سعید خان تے ملک محمد فاروق تنولی نوں ڈپٹی جنرل سیکرٹری مقرر کیتا گیا اے۔ ڈاکٹر حیدر علی نوں سیکرٹری اطلاعات، جدکہ سلیم خان چترالی تے طاہر عباس نوں ڈپٹی سیکرٹریز اطلاعات دیاں ذمہ واریاں دتیاں گئیاں نیں۔

فرزند علی وزیر نوں سیکرٹری مالیات، حاجی وزیر زادہ نوں سیکرٹری رابطہ، ابن امان نوں ڈپٹی سیکرٹری رابطہ، جدکہ ڈاکٹر عالم زیب نوں سیکرٹری ریکارڈ تے تقریبات مقرر کیتا گیا اے۔