لہور سنے پنجاب دے چھوٹے وڈے شہراں وچ لوڈشیڈنگ دا سلسلہ جاری

گرمی دی شدت وچ وادھے دے نال ای لہور سنے پنجاب دے چھوٹے وڈے شہراں وچ بجلی دی لوڈشیڈنگ دا سلسلہ جاری اے جہدی وجہ توں شہری سخت پریشان نیں۔ صارفین دا کہنا اے اینے زیادہ بل دین دے باوجود گرمی وچ بجلی دی فراہمی دا تسلسل برقرار نہیں رکھیا جا رہیا۔ بجلی دی بار بار بندش نے صنعت کاراں، دکانداراں تے تاجراں نوں وی پریشان کر دتا اے جہناں دا کہنا اے سرکار بجلی دی مسلسل فراہمی دا کوئی مستقل حل کڈھے، کاروبار متاثر ہو رہے نیں۔ دوجے پاسے لیسکو حکام دا کہنا اے بجلی دی طلب تے رسد وچ فرق نہیں ایس لئی کسے وی تھاں غیر اعلانیہ لوڈشیڈنگ نہیں کیتی جا رہی، بعض تھاں فالٹ پیدا ہو جائے تے ایہنوں فوری طور تے ٹھیک کر دتا جاندا اے۔