مزید جسمانی ریمانڈ دی درخواست مسترد، عدالت نے حماد اظہر نوں جیل بھیج دِتا
لاہور (کورٹ رپورٹر) انسدادِ دہشت گردی دی عدالت لاہور نے جناح ہاؤس حملہ کیس وچ 50 روز دا جسمانی ریمانڈ مکمل ہون اُتے حماد اظہر نوں جوڈیشل ریمانڈ اُتے جیل بھیج دِتا۔
پولیس نے حماد اظہر دے جسمانی ریمانڈ وچ 10 دناں دی ہور توسیع دی درخواست کردیاں مؤقف اختیار کیتا کہ ملزم توں جناح ہاؤس حملے بارے ہور تفتیش کرنی اے۔
حماد اظہر دے وکیل نے عدالت نوں دسیا کہ ملزم دا 50 روز دا جسمانی ریمانڈ ہو چکیا اے۔ انہاں دا کہنا سی کہ ملزم نوں ایس کیس وچ ریمانڈ اُتے دِتا گیا، جدکہ اوہ موقعے اُتے موجود ہی نہیں سی۔
عدالت نے پولیس دی درخواست مسترد کردیاں حماد اظہر نوں جیل بھیجن دا حکم دے دِتا۔
