قومی ایگزیکٹو کمیٹی: منی لانڈرنگ روکّن لئی اہم تجاویز منظور

قومی ایگزیکٹو کمیٹی: منی لانڈرنگ روکّن لئی اہم تجاویز منظور

اسلام آباد (اے پی پی) منی لانڈرنگ تے دہشت گردی دی مالی معاونت روکّن لئی قائم قومی ایگزیکٹو کمیٹی نے اہم تجاویز دی منظوری دے دِتی اے۔

کمیٹی نے کرنسی ٹرانزیکشن رپورٹس (سی ٹی آرز) دی مقررہ حد وچ مجوزہ نظرثانی، پاکستان میری ٹائم زونز ایکٹ 2023 دی دفعہ 28 نوں انسدادِ منی لانڈرنگ ایکٹ دے شیڈول اول وچ شامل کرن تے پاکستان ورچوئل اثاثہ جات ریگولیٹری اتھارٹی (پی وی اے آر اے) نوں شیڈول چہارم وچ شامل کرن دی منظوری دے دِتی۔

کمیٹی دا 19واں اجلاس منگل نوں وفاقی وزیر خزانہ تے محصولات سینیٹر محمد اورنگزیب دی صدارت وچ ہویا، جس وچ ملک دے انسدادِ منی لانڈرنگ تے دہشت گردی دی مالی معاونت روکّن دے نظام وچ ہون والی پیش رفت دا جائزہ لیا گیا۔

وزیر خزانہ نے قومی انسدادِ منی لانڈرنگ نظام نوں مؤثر بناؤن لئی متعلقہ اداریاں وچ رابطہ کاری بہتر کرن تے اجلاس دوران کیتے گئے فیصلےآں اُتے بروقت عمل درآمد دی ضرورت اُتے زور دِتا۔

اجلاس وچ مشتبہ لین دین تے کرنسی ٹرانزیکشن رپورٹس دے تجزیاتی نظام تحت کرنسی ٹرانزیکشن رپورٹس لئی مقررہ حد وچ مجوزہ تبدیلی دا جائزہ لے کے منظوری دِتی گئی۔

کمیٹی نے زور دِتا کہ انسدادِ منی لانڈرنگ تے دہشت گردی دی مالی معاونت روکّن دے نظام نوں مالیاتی خطرات تے جدید ٹیکنالوجی دے بدل دے رجحانات دے مطابق بنایا جائے، نالے متعلقہ اداریاں دیاں تجزیاتی صلاحیتاں وی ودھائیاں جان۔

وزیر خزانہ نے فنانشل مانیٹرنگ یونٹ دی تجزیاتی تے عملی استعداد بہتر بناؤن لئی واضح لائحہ عمل تیار کرن اُتے زور دِتا، جس وچ عمل درآمد دی مدت تے اہداف دا تعین وی شامل ہووے۔