عالمی برادری اپنے وعدے پورے کرے
کراچی (سٹاف رپورٹر) پاکستان تحریکِ انصاف سندھ دے صدر حلیم عادل شیخ نے یومِ سیاہ کشمیر دے موقع اُتے اپنے پیغام وچ آکھیا کہ 27 اکتوبر کشمیری عوام دی جدوجہد تے حقِ خودارادیت دی یاد دِلاوندا اے۔
اِس دن بھارتی فوجاں نے کشمیر اُتے ناجائز قبضہ کرکے کشمیریاں دے حقِ خودارادیت اُتے وار کیتا سی۔ عالمی برادری کشمیریاں دی آواز سنے تے اقوامِ متحدہ دیاں قرارداداں اُتے عمل درآمد کردے ہوئے، کشمیریاں نوں حقِ خودارادیت دلاؤن لئی اقدامات کرے تے کشمیری عوام نال کیتے گئے وعدے پورے کرے۔
حلیم عادل شیخ نے آکھیا کہ مسئلہ کشمیر دا پُرامن، منصفانہ تے پائیدار حل خطے وچ امن تے استحکام لئی لازمی اے۔ اُنہاں آکھیا کہ تحریکِ انصاف کشمیری عوام دی حقِ خودارادیت دی جدوجہد دے نال کھڑی اے۔
