کڻک، گیس تے بجلی فاقیاں دا ایندھن ثابت ہو رہے نیں: مزمل اسلم
پشاور (مانیٹرنگ ڈیسک) تحریکِ انصاف دے رہنما مزمل اسلم نے مہنگائی، گیس دی لوڈشیڈنگ، بجلی دے ریٹاں تے پٹرولیم مصنوعات دیاں قیمتاں اُتے تنقید کردیاں آکھیا اے کہ کڻک، گیس، بجلی تے پٹرول عوام لئی فاقیاں دا ایندھن ثابت ہو رہے نیں۔
ایکس اُتے جاری کیتے گئے بیان وچ اوہناں آکھیا کہ گیس دی قیمت 500 توں 600 روپے فی کلو تک پہنچ گئی اے، جس نال متوسط طبقہ وی شدید متاثر ہو رہیا اے۔ آٹا ہن ہک قیمتی جنس بن چکیا اے تے حکومتاں دی خاموشی دے باعث عوام مشکلات دا شکار نیں۔
ہک پاسے آٹا مہنگا اے تے دوجے پاسے گیس دیاں قیمتاں وچ اضافے نے گھریلو اخراجات ودھا دتے نیں، جس دے نتیجے وچ لوکاں نے اپنی خوراک تک محدود کر لئی اے۔
