میر رضا کیس: سانجھی تحقیقاتی ٹیم (جے آئی ٹی) بناؤن دا نوٹیفکیشن جاری

کراچی (مانیٹرنگ ڈیسک) تاجر میر رضا کیس دی تحقیقات لئی سندھ حکومت نے جوڈیشل کمیشن دی ہدایت اُتے جے آئی ٹی تشکیل دیندے ہوئے سانجھی تحقیقاتی ٹیم بناؤن دا نوٹیفکیشن جاری کر دِتا اے۔

نوٹیفکیشن دے مطابق ڈی آئی جی ویسٹ عرفان بلوچ نوں جے آئی ٹی دا کنوینر مقرر کیتا گیا اے۔ جے آئی ٹی وچ آئی ایس آئی، آئی بی، رینجرز تے این سی سی آئی اے دے نمائندے شامل نیں۔

جے آئی ٹی کراچی دے تھانے فیروز آباد وچ درج مقدمہ نمبر 795/2026 دی تحقیقات کرے گی۔ جے آئی ٹی نوں ذمہ دار افراد دی نشاندہی کرکے رپورٹ تے چالان متعلقہ عدالت وچ جمع کراؤن دی ہدایت دِتی گئی اے۔

سندھ حکومت نے سارے متعلقہ اداریاں نوں جے آئی ٹی نال مکمل تعاون کرن دی ہدایت کر دِتی اے۔ میر رضا علی کیس وچ جسمانی، فارنزک تے ڈیجیٹل ثبوت اکٹھے کرن دی ہدایت دِتی گئی اے۔ موبائل فون، سمارٹ واچ، سوشل میڈیا تے ہور اکاؤنٹس دا ریکارڈ وی تحقیقات دا حصہ ہووے گا۔