پمز دے 8 افسران خلاف تحقیقات لئی تِن رکنی کمیٹی تشکیل
کمیٹی سابق ای ڈی ڈاکٹر رانا عمران سمیت ہور افسران خلاف الزامات دی چھان بین کرے گی
اسلام آباد (ایس ایم زمان) وزیراعظم شہباز شریف نے پمز دے 8 افسران خلاف تحقیقات لئی وفاقی سیکرٹری تجارت دی سربراہی وچ تِن رکنی کمیٹی تشکیل دے دِتی اے۔
تِن رکنی کمیٹی دے کنوینر وفاقی سیکرٹری کامرس جواد پال ہوون گے، جدکہ وفاقی سیکرٹری تعلیم تے پیشہ ورانہ تربیت ندیم محبوب تے وفاقی سیکرٹری انسانی حقوق ڈویژن عبدالخالق شیخ کمیٹی دے ممبر ہوون گے۔
وزارتِ قومی صحت دے جوائنٹ سیکرٹری (ہسپتال) محمد بخش سانگی نوں کمیٹی لئی محکمانہ نمائندہ مقرر کیتا گیا اے۔
جن 8 افسران خلاف الزامات دی جانچ پڑتال کیتی جاوے گی، اوہناں وچ پمز دے سابق ایگزیکٹو ڈائریکٹر پروفیسر ڈاکٹر رانا عمران سکندر، جوائنٹ ای ڈی (نان میڈیکل) چوہدری وارث علی رضا، پروفیسر ڈاکٹر نوشیلہ امجد، ڈاکٹر مطاہر شاہ، ڈاکٹر سعدیہ ریاض، ڈاکٹر آنیزہ جلیل، ڈاکٹر نغم نواز تے محمد عثمان شامل نیں۔
کمیٹی 60 دناں دے اندر کارروائی مکمل کرکے اپنی رپورٹ تے سفارشات وزیراعظم نوں پیش کرے گی۔
