انتخابی اصلاحات: حکومت دا اپوزیشن نوں دعوت دین دا فیصلہ
لاہور (مانیٹرنگ ڈیسک) انتخابی اصلاحات دے عمل نوں اگے ودھاؤن لئی حکومت نے کوششاں تیز کر دِتیاں نیں۔ ایس سلسلے وچ اگلے انتخابات نوں شفاف بناؤن لئی حکومت نے اپوزیشن نوں مذاکرات دی دعوت دین دا فیصلہ کیتا اے۔
ذرائع دے مطابق وزیراعظم شہباز شریف انتخابی اصلاحات دے معاملے اُتے اپوزیشن نال مذاکرات لئی تیار ہو گئے نیں تے انتخابی اصلاحات بارے اپوزیشن نوں پارلیمانی کمیٹی وچ شامل کرن دی ہدایت وی کر دِتّی اے۔
20 رکنی پارلیمانی کمیٹی وچ انتخابی اصلاحات لئی اپوزیشن دے پنج ارکان شامل کیتے جان گے۔ وزیراعظم نے اپوزیشن توں پارلیمانی کمیٹی لئی ارکان دے ناں منگوان دی ہدایت کر دِتّی اے۔
سپیکر قومی اسمبلی اپوزیشن نوں پارلیمانی کمیٹی وچ شامل ہون دی دعوت دین لئی خط لکھن گے۔ سپیکر دے خط راہیں اپوزیشن توں کمیٹی لئی پنج ارکان دے ناں منگے جان گے۔
