نورین نیازی دی حالت مستحکم اے: پی آئی سی انتظامیہ
لاہور (ہیلتھ رپورٹر) بانی پی ٹی آئی دی بھین نورین نیازی پنجاب انسٹی ٹیوٹ آف کارڈیالوجی وچ زیرِ علاج نیں۔ ہسپتال انتظامیہ دے مطابق نورین نیازی دے دل دے دورے دی تشخیص دا اہم ٹیسٹ ٹروپ ٹی نارمل آیا اے تے انہاں دی موجودہ حالت مستحکم اے۔
ایگزیکٹو ڈائریکٹر پی آئی سی پروفیسر عمران شاہ نے دسیا کہ نورین نیازی دی ای سی جی سمیت سارے ٹیسٹ تسلی بخش آئے نیں تے بلڈ پریشر نوں دوائیاں دے ذریعے کنٹرول کر لیا گیا اے۔
پروفیسر عمران شاہ دے مطابق نورین نیازی نوں فی الحال انجیوگرافی دی ضرورت نہیں اے۔ ڈاکٹرز دے مطابق طبیعت وچ بہتری آون توں بعد نورین نیازی نوں اج شام تک ہسپتال توں ڈسچارج کیتے جان دا امکان اے۔
:
