این ایچ اے وچ بلوچستان کوٹے دیاں 28 خالی آسامیواں اُتے بھرتی دا فیصلہ

اسلام آباد (نیوز رپورٹر) این ایچ اے وچ بلوچستان کوٹے دیاں گریڈ 1 توں 18 تک دیاں 28 آسامیاں خالی نیں، جنہاں اُتے بھرتی دا عمل شروع کرن دا فیصلہ کیتا گیا اے۔

اتھارٹی وچ بلوچستان کوٹے دی گریڈ 18 دے ڈپٹی ڈائریکٹر (انجینئر) دی اک، گریڈ 17 دے اسسٹنٹ ڈائریکٹر دی اک، اسسٹنٹ ڈائریکٹر (انجینئر) دیاں 6، گریڈ 17 دے اسسٹنٹ ڈائریکٹر (اکاؤنٹس/فنانس) دی اک، گریڈ 16 دے انسپکٹر دیاں 2، انسپکٹر (افورسٹیشن) دی اک، گریڈ 16 دے اسسٹنٹ پرائیویٹ سیکرٹری دی اک تے کمپیوٹر آپریٹر دیاں 2 آسامیاں شامل نیں۔

ایس توں علاوہ گریڈ 15 دے آفس اسسٹنٹ دیاں 3، گریڈ 14 دے اکاؤنٹس اسسٹنٹ دی اک، گریڈ 11 دے لیب ٹیکنیکل دی اک، ایل ڈی سی دیاں 2، گریڈ 5 دے پٹواری دی اک تے گریڈ 4 دے ڈرائیور دیاں 4 آسامیاں خالی نیں، جنہاں اُتے بھرتی دا عمل شروع کیتا جا رہیا اے۔