وفاقی ڈائریکٹوریٹ کولوں رجسٹرڈ مدارس نوں پنجاب وچ دوبارہ رجسٹریشن توں چھوٹ، ترمیمی بل منظور
لاہور (سیاسی نمائندہ) پنجاب اسمبلی نے وفاقی ڈائریکٹوریٹ جنرل مذہبی تعلیم کولوں رجسٹرڈ دینی مدارس نوں پنجاب وچ دوبارہ رجسٹریشن توں چھوٹ دین لئی سوسائٹیز رجسٹریشن (ترمیمی) بل 2026 منگل دے روز کثرتِ رائے نال منظور کر لیا اے۔
بل دی منظوری توں بعد وفاقی سطح اُتے رجسٹرڈ دینی مدارس نوں پنجاب وچ وکھری رجسٹریشن کراؤن دی لوڑ نہیں رہے گی۔
بل قائمہ کمیٹی دی رپورٹ توں بعد ایوان وچ پیش کیتا گیا۔ بل دے متن دے مطابق وفاقی ڈائریکٹوریٹ جنرل مذہبی تعلیم کولوں رجسٹرڈ دینی مدارس نوں پنجاب وچ دوبارہ رجسٹریشن دی پابندی توں چھوٹ حاصل ہووے گی۔
اس ترمیم دا مقصد مدارس دی دوہری رجسٹریشن نال متعلق مسائل ختم کرنا تے رجسٹریشن دے قانونی طریقۂ کار نوں واضح بنانا اے۔
اسمبلی توں منظوری دے بعد بل گورنر پنجاب دی منظوری لئی پیش کیتے جان دے مرحلے وچ داخل ہو گیا اے۔ گورنر دی منظوری توں بعد ایہ قانون بن جائے گا۔
