نسٹ دے 45 محققین دنیا دے ممتاز ترین سائنسداناں وچ شامل
سٹینفورڈ یونیورسٹی تے ایلسیویئر ولوں تیار کیتی گئی فہرست نوں عالمی سطح اُتے معتبر اعزاز سمجھیا جاندا اے۔
لاہور (سٹاف رپورٹر) پاکستان دی نیشنل یونیورسٹی آف سائنسز اینڈ ٹیکنالوجی (نسٹ) دے 45 محققین نوں 2026 وچ دنیا دے سرفہرست 2 فیصد سائنسداناں دی فہرست وچ شامل کر لیا گیا اے۔
یاد رہے کہ ایہ درجہ بندی سٹینفورڈ یونیورسٹی تے ایلسیویئر ولوں تیار کیتی جاندی اے تے عالمی سطح اُتے اک معتبر اعزاز سمجھیا جاندا اے۔
نسٹ دے اعلامیے دے مطابق اس فہرست وچ شامل ہون والے یونیورسٹی دے محققین سائنس تے تحقیق دے مختلف شعبیاں وچ نمایاں خدمات انجام دے رہے نیں۔
یونیورسٹی دے مطابق 45 وچوں 16 محققین مسلسل کئی سالاں توں اس فہرست دا حصہ بن رہے نیں، جو انہاں دے مستقل تحقیقی اثر تے علمی خدمات دی عکاسی کردا اے۔
نسٹ دے ریکٹر ڈاکٹر محمد زاہد لطیف نے محققین نوں مبارکباد دیندے ہوئے آکھیا کہ ایہ کامیابی نہ صرف یونیورسٹی بلکہ پورے پاکستان لئی فخر دا باعث اے۔
انہاں دا کہنا سی کہ ایہ اعزاز عالمی تحقیقی برادری وچ پاکستانی سائنسداناں دی ودھدی ہوئی پہچان تے نسٹ دے علمی معیار دا ثبوت اے۔
