زمیناں دی یکجائی، بلاجواز تاخیر دے ذمہ داراں دا احتساب کیتا جائے: آئینی عدالت

اسلام آباد (کورٹ رپورٹر) وفاقی آئینی عدالت نے قرار دتا اے کہ زمیناں دی تقسیم تے یکجائی (کنسولیڈیشن) دے معاملات لمبے عرصے تک زیرِ التوا رہن نال مالکان دے ملکیتی حقوق متاثر ہوندے نیں۔ غیر ضروری تاخیر نال ملکیت تے قبضے بارے غیر یقینی صورتحال پیدا ہوندی اے، جدکہ مالی مشکلات تے مقدمیاں وچ وی اضافہ ہوندا اے۔

چیف جسٹس امین الدین خان تے جسٹس علی باقر نجفی اُتے مشتمل بینچ نے زمیناں دی یکجائی نال متعلق مقدمے وچ ایہ ہدایات جاری کردیاں آکھیا کہ ریونیو حکام قانونی اختیارات دیانت داری، منصفانہ انداز تے تیزی نال استعمال کرن دے پابند نیں، تاکہ آئین دے آرٹیکل 23 تحت تحفظ یافتہ قیمتی جائیداد دے حقوق غیر ضروری تاخیر دی وجہ نال بے معنی نہ ہو جان۔

عدالت نے پنجاب دے سینئر ممبر بورڈ آف ریونیو نوں ہدایت کیتی کہ زمیناں دی یکجائی دے پرانے معاملات دی مؤثر نگرانی کیتی جائے تے بلاجواز تاخیر دے ذمہ داراں دا احتساب یقینی بنایا جائے۔