سیکرٹری ہاؤسنگ محمد محمود تبدیل، احسن منگی نوں اضافی چارج سونپ دتا گیا
ڈی جی ایف جی ای ایچ اے ظفر اقبال تبدیل، گریڈ 18 دے افسر سعد بن اسد معطل
اسلام آباد (نیوز رپورٹر) وفاقی حکومت نے سیکرٹری ہاؤسنگ اینڈ ورکس نوں تبدیل کر دتا اے۔ گریڈ 21 دے افسر کیپٹن (ر) محمد محمود نوں تبدیل کرکے اسٹیبلشمنٹ ڈویژن رپورٹ کرن دی ہدایت کر دتی گئی اے۔
اسٹیبلشمنٹ ڈویژن نے فیڈرل گورنمنٹ ایمپلائز ہاؤسنگ اتھارٹی دے سابق ڈائریکٹر تے پاکستان ایڈمنسٹریٹو سروس دے گریڈ 18 دے افسر لیفٹیننٹ (ر) سعد بن اسد نوں 120 دناں لئی معطل کر دتا اے۔
دوجے پاسے وزارت صنعت و پیداوار دے سپیشل سیکرٹری احسن علی منگی نوں سیکرٹری ہاؤسنگ دا اضافی چارج سونپ دتا گیا اے۔ ڈائریکٹر جنرل فیڈرل گورنمنٹ ایمپلائز ہاؤسنگ اتھارٹی کیپٹن (ر) ظفر اقبال نوں وی تبدیل کرکے اسٹیبلشمنٹ ڈویژن رپورٹ کرن دی ہدایت کیتی گئی اے۔
