کابینہ کمیٹی دا قانون سازی بارے اجلاس، کئی ترمیمی بل منظور
منظور کیتے گئے قانونی مسودے متعلقہ فورمز اُتے پیش کیتے جان گے: اعلامیہ، اجلاس دی صدارت وزیرِ قانون نے کیتی
اسلام آباد (مانیٹرنگ ڈیسک) وزیرِ قانون اعظم نذیر تارڑ دی زیرِ صدارت کابینہ کمیٹی برائے تصفیہ قانون سازی دا اک اہم اجلاس ہویا، جس وچ وزیرِ مملکت برائے خزانہ بلال اظہر کیانی سمیت متعلقہ وزارتاں تے ڈویژناں دے اعلیٰ حکام نے شرکت کیتی۔
اجلاس دوران کمیٹی نے نیشنل بینک آف پاکستان ترمیمی بل 2026 دی منظوری دے دتی۔ ریسرچ اینڈ ڈویلپمنٹ فنڈ رولز 2006 وچ ترمیم دی منظوری وی دتی گئی۔
اجلاس وچ یونیورسل سروس فنڈ ترمیمی رولز 2026 دی منظوری وی باضابطہ طور اُتے دتی گئی، جدکہ کمیٹی نے نادرا آرڈیننس 2000 دی دفعہ 18(3) وچ ترمیم منظور کر لئی۔
اعلامیے دے مطابق اجلاس وچ منظور کیتے گئے سارے قانونی مسودے مزید کارروائی لئی متعلقہ فورمز اُتے پیش کیتے جان گے۔
