پی ٹی آئی نے خیبر پختونخوا وچ کوئی وی ترقیاتی کم نئیں کیتا: امیر مقام

پشاور (اے پی پی) وفاقی وزیر برائے امور کشمیر تے گلگت بلتستان انجینئر امیر مقام نے آکھیا اے کہ خیبر پختونخوا وچ پی ٹی آئی نے کوئی کم نئیں کیتا۔ صوبے وچ امن قائم کرنا وزیراعظم شہباز شریف، فیلڈ مارشل سید عاصم منیر تے ساڈے ساریاں دی ترجیح اے۔

ایہہ گلاں انہاں جمعے دے روز پشاور وچ اک شمولیتی تقریب نوں خطاب کردیاں کیتیاں۔ امیر مقام دا کہنا سی کہ پی ٹی آئی کدے لانگ مارچ تے کدے دھرنے وچ مصروف رہی، پر اس نے خیبر پختونخوا وچ کوئی ترقیاتی کم نئیں کیتا۔ اوہ صرف چندے تے قیدی دی رہائی دے ناں اُتے لوٹ مار کردی رہی۔

انہاں آکھیا کہ 11 اکتوبر نوں خیبر پختونخوا وچ مجبوری دے تحت آئینی اقدامات کرنے پئے، جس اُتے صوبے دے لوکاں نے جشن منایا۔ عوام ہݨ جان چکے نیں کہ مسلم لیگ (ن) دی قیادت ہی صوبے دے حالات بدل سکدی اے۔

امیر مقام نے مسلم لیگ (ن) وچ شامل ہون والے افراد دا خیر مقدم کیتا تے آکھیا کہ مسلم لیگ (ن) دی قیادت نے اقلیتی برادری نوں ہمیشہ عزت دتی اے۔