ملک دے 97 منتخب ضلعیاں وچ انسدادِ پولیو مہم دا آغاز
پولیو دا خاتمہ قومی ترجیح اے، کوئی بچہ ویکسین توں محروم نئیں رہنا چاہیدا: وزیر صحت
اسلام آباد (نیوز رپورٹر) وفاقی وزیر قومی صحت سید مصطفیٰ کمال نے گزشتہ روز ملک بھر دے 97 منتخب ہائی رسک ضلعیاں وچ 2 توں 8 نومبر تک جاری رہن والی ذیلی قومی انسدادِ پولیو مہم دا آغاز کر دتا۔
مہم دے دوران پنج سال توں گھٹ عمر دے تقریباً 2 کروڑ 40 لاکھ بچیاں نوں پولیو توں بچاؤ دے قطرے پلائے جان گے۔
مصطفیٰ کمال نے نیشنل ایمرجنسی آپریشنز سینٹر برائے انسدادِ پولیو وچ بچیاں نوں پولیو توں بچاؤ دے قطرے پلا کے سال 2026 دی تیسری ذیلی قومی انسدادِ پولیو مہم شروع کیتی۔
انہاں آکھیا کہ پولیو دا خاتمہ قومی ترجیح اے تے اسیں ملک بھر وچ پولیو وائرس دی منتقلی مکمل طور اُتے روکݨ تک اپنی کوششاں جاری رکھاں گے۔ ویکسینیشن دے عمل وچ کوئی وی بچہ محروم نئیں رہنا چاہیدا۔
