افغانستان وچ افیون دی پیداوار پنج گنا ودھن دا انکشاف

پوست دی کاشت وچ 330 تے پیداوار وچ 400 فیصد اضافہ، رواں سال افیون دی پیداوار 1500 ٹن ہو گئی، عالمی برادری کساناں نوں روزگار دے متبادل ذرائع فراہم کرن لئی تعاون کرے: یو این او ڈی سی

اسلام آباد (اے پی پی) اقوام متحدہ دے دفتر برائے منشیات تے جرائم (یو این او ڈی سی) نے اپنی تازہ رپورٹ وچ انکشاف کیتا اے کہ افغانستان وچ رواں سال افیون دی پیداوار وچ پنج گنا اضافہ ہویا اے۔ ایس دیاں بنیادی وجوہات وچ منڈی وچ ودھ قیمتاں، کاشت نوں خفیہ رکھݨ دے طریقے تے دیہی گھرانیاں نوں درپیش مسلسل معاشی مشکلات شامل نیں۔

گزشتہ سال دے مقابلے وچ پوست دی کاشت وچ 330 فیصد، جدکہ پیداوار وچ 400 فیصد اضافہ ہویا اے۔ رواں سال پوست دی کاشت دا رقبہ 43 ہزار ہیکٹر توں ودھ گیا اے، جدکہ افیون دی مجموعی پیداوار ودھ کے 1500 میٹرک ٹن ہو گئی اے۔

کاشتکار پوست دیاں چھوٹیاں چھوٹیاں فصلاں اناج دے کھیتاں دے اندر یا چار دیواری والے احاطیاں وچ چھپا رہے نیں۔

رپورٹ دے مطابق افغانستان دے 34 وچوں 16 صوبیاں وچ پوست دی کاشت کیتی جا رہی اے تے اس دی فروخت توں حاصل ہون والی آمدن 2026 وچ ودھ کے 525 ملین امریکی ڈالر ہو گئی اے۔

رپورٹ وچ عالمی برادری اُتے زور دتا گیا اے کہ اوہ کساناں نوں روزگار دے متبادل ذرائع فراہم کرن لئی تعاون کرے۔