ایس ایم ایز دی فنانسنگ وچ اضافہ حکومتی ترجیحات وچ شامل: سٹیٹ بینک
چھوٹے کاروباراں لئی کاروباری حجم دی حد 40 کروڑ، درمیانے کاروباراں لئی 2 ارب روپے کر دتی گئی
لاہور (کامرس رپورٹر) گورنر سٹیٹ بینک جمیل احمد نے آکھیا کہ ایس ایم ایز دی فنانسنگ وچ نمایاں اضافہ حکومت دیاں معاشی ترجیحات وچ شامل اے، جدکہ زراعت، ہاؤسنگ تے برآمدات نوں وی خاص اہمیت دتی جا رہی اے۔
لاہور چیمبر وچ اجلاس نوں خطاب کردیاں گورنر سٹیٹ بینک نے آکھیا کہ بغیر کولیٹرل قرضیاں دی حد 1 کروڑ روپے توں ودھا کے 5 کروڑ روپے کر دتی گئی اے۔ چھوٹے کاروباراں لئی سالانہ کاروباری حجم دی حد 15 کروڑ توں ودھا کے 40 کروڑ روپے، جدکہ درمیانے درجے دے کاروباراں لئی 80 کروڑ توں ودھا کے 2 ارب روپے کر دتی گئی اے۔
