افغانستان ولوں بلااشتعال فائرنگ، پاکستانی فورسز دا مؤثر جواب

متعدد افغان سرحدی پوسٹاں، مارٹر پوزیشنز تے دفاعی چوکیاں نوں نشانہ بنایا گیا، سکیورٹی فورسز دے سخت جواب اُتے افغان طالبان اپنی پوسٹاں چھڈ کے فرار۔

پشاور (مانیٹرنگ ڈیسک) افغان سرحدی پوسٹاں توں پاکستانی سرحدی چوکیوں اُتے بلااشتعال فائرنگ دا سلسلہ جاری رہیا، جس اُتے پاکستانی سکیورٹی فورسز نے فوری تے مؤثر جوابی کارروائی کردیاں متعدد افغان سرحدی پوسٹاں، مارٹر پوزیشنز تے دفاعی چوکیوں نوں نشانہ بنایا۔

پاکستانی فورسز دے سخت جواب اُتے افغان طالبان اپنی پوسٹاں چھڈ کے فرار ہون اُتے مجبور ہو گئے۔

ہن تک پاکستان ولوں سرحدی علاقیاں وچ کسے جانی نقصان دی اطلاع نہیں ملی۔ پاکستانی فورسز ہر قسم دی جارحیت دا بھرپور جواب دین لئی تیار نیں۔

ڈپٹی کمشنر جنوبی وزیرستان دے مطابق پاکستانی سکیورٹی فورسز نے حملے اُتے فوری تے مؤثر جوابی کارروائی کیتی اے۔ پاکستانی سکیورٹی فورسز دے سخت جواب اُتے افغان طالبان اپنی چوکیاں چھڈ کے فرار ہو گئے۔