مریم نواز نے 3 سالاں وچ 10 لکھ نوجواناں دی ہنرمندی دی ترقی دا ہدف مقرر کر دتا
پہلا جدید ورکنگ سنٹر آف ایکسی لینس قائم کرن دا فیصلہ، 13 زباناں دے کورسز کروائے جان گے
ٹیکنیکل ٹریننگ، امتحانواں دی ڈیجیٹلائزیشن، ڈیجیٹل امتحانی پرچے تے کیو آر کوڈ وی ہووے گا، پونے دو لکھ نوجواناں نوں باعزت روزگار مل گیا، 38 ہزار نوجواناں نوں بیرونِ ملک ملازمت ملی: بریفنگ
لاہور (سٹاف رپورٹر) وزیراعلیٰ مریم نواز دی زیرِ صدارت خصوصی اجلاس ہویا، جس وچ سکل ڈویلپمنٹ منصوبیاں بارے تفصیلی بریفنگ دتی گئی۔ وزیراعلیٰ مریم نواز نے اگلے 3 سالاں دوران مجموعی طور اُتے 10 لکھ نوجواناں دی ہنرمندی دی تربیت دا ہدف مقرر کر دتا۔
اجلاس وچ پنجاب دا پہلا جدید ورکنگ سنٹر آف ایکسی لینس قائم کرن دا فیصلہ کیتا گیا۔ اتھے ٹیکنیکل ٹریننگ، امتحانواں دی ڈیجیٹلائزیشن، آن لائن رجسٹریشن پورٹل، ڈیجیٹل امتحانی پرچے تے کیو آر کوڈ دی سہولت وی موجود ہووے گی۔
ڈیجیٹل امتحانی نظام دے ذریعے 2 لکھ توں 6 لکھ امیدوار امتحان دے سکّن گے۔ اجلاس وچ ایگریکلچر تے ہیوی مشینری آپریٹر سرٹیفکیشن پروگرام شروع کراؤن دی منظوری وی دتی گئی۔
الیکٹریکل، وہیکل تے ڈیجیٹل مارکیٹنگ لئی سنٹر آف ایکسی لینس قائم کیتے جان گے۔ پنجاب وچ پہلی واری سی ایم لینگویج لرننگ پروگرام دے تحت 13 زباناں دے کورسز کروائے جان گے۔
اجلاس وچ پنجاب دی پہلی کلیننگ اینڈ کلینر اکیڈمی قائم کرن دی منظوری وی دتی گئی۔ پی سی سی اے دے تحت کلیننگ سپورٹ، ہیلتھ کیئر، ہاسپیٹیلٹی، ڈومیسٹک ہیلپ تے ہور شعبیاں وچ تربیت دتی جاوے گی۔
پنجاب دے ٹیکنیکل کالج توں تربیت حاصل کرن والے الیکٹریشن نے 48ویں ورلڈ سکلز شنگھائی مقابلے وچ چوتھی پوزیشن حاصل کر لئی اے۔ وزیراعلیٰ مریم نواز شریف نوں سکل ڈویلپمنٹ بارے تفصیلی بریفنگ دتی گئی۔
اجلاس دوران بریفنگ وچ دسیا گیا کہ پنجاب وچ 4 لکھ نوجواناں دی سکل ٹریننگ مکمل ہو چکی اے، 45 فیصد توں ودھ نوجوان روزگار حاصل کر چکے نیں، جدکہ کئی نوجواناں نے اپنی تعلیم جاری رکھن نوں ترجیح دتی۔
سکل ڈویلپمنٹ اینڈ انٹرپرینیورشپ ڈیپارٹمنٹ دے تحت تربیت مکمل کرن والے پونے 2 لکھ نوجواناں نوں باعزت روزگار مل گیا اے۔ اس محکمے توں تربیت حاصل کرن توں بعد 38 ہزار توں ودھ نوجواناں نے بیرونِ ملک ملازمت حاصل کر لئی اے۔
مینوفیکچرنگ سیکٹر وچ 1 لاکھ 13 ہزار 333 طلبہ دی تربیت مکمل ہو گئی، جدکہ 50 ہزار توں ودھ فوری طور اُتے روزگار حاصل کرن وچ کامیاب ہو گئے۔
آئی ٹی سیکٹر وچ 1 لاکھ 11 ہزار 607 نوجواناں دی تربیت مکمل ہوئی، جنہاں وچوں 49 ہزار 588 نوجوان باعزت روزگار کمان لگ پئے۔
ایگریکلچر اینڈ لائیو سٹاک دے شعبے وچ 23 ہزار 269 نوجواناں دی تربیت مکمل ہوئی، جنہاں وچوں 10 ہزار 33 نوں فوری روزگار مل گیا۔
کنسٹرکشن سیکٹر وچ 27 ہزار 69 طلبہ دی تربیت مکمل ہوئی، جدکہ 12 ہزار 26 نوجوان روزگار حاصل کر گئے۔ انرجی سیکٹر وچ 35 ہزار 227 نوجواناں نے تربیت مکمل کیتی، جنہاں وچوں 15 ہزار 651 نے روزگار حاصل کر لیا۔
ہاسپیٹیلٹی اینڈ ٹورازم سیکٹر وچ 15 ہزار 319 طلبہ نے تربیت مکمل کیتی، جدکہ 6 ہزار 807 فوری طور اُتے روزگار حاصل کرن وچ کامیاب ہو گئے۔
تربیت مکمل کرن توں بعد مجموعی طور اُتے 90 ہزار 29 نوجوان مقامی صنعت وچ ملازمت حاصل کرن وچ کامیاب ہوئے۔ 53 ہزار 509 نوجواناں نے اپنا روزگار شروع کیتا، 38 ہزار 557 نے بیرونِ ملک ملازمت حاصل کیتی، جدکہ 39 ہزار 325 نوجواناں نے تعلیم جاری رکھن نوں ترجیح دتی۔
دیہاتی علاقیاں وچ ایمپاورنگ ویمن بذریعہ انفارمیشن ٹیکنالوجی پروگرام دے تحت 3 ہزار خواتین گھر بیٹھے روزگار کمان لگ پئیاں۔ 15 ہزار 65 اساتذہ تے عملے نوں انڈسٹری، مینجمنٹ، تدریس تے ہنرمندی نوں اپ گریڈ کرن دی تربیت دتی گئی۔
220 کمپیوٹر لیباں، 100 انڈسٹریل سٹچنگ لیباں، 70 سولر لیباں، 27 ہیلتھ کیئر لیباں، وی آر ویلڈنگ لیب تے الیکٹرک وہیکل لیب نوں اپ گریڈ کر دتا گیا اے۔
ماہر پروگرام دے تحت لاہور، فیصل آباد، سیالکوٹ، گوجرانوالہ تے ملتان دے صنعتی کلسٹرز وچ 25 ہزار نوجواناں دی تربیت دا ہدف مقرر کیتا گیا اے۔
گلوبل روزگار پروگرام دے تحت بی پی او سیکٹر وچ 25 ہزار نوجواناں دی تربیت دا ہدف دتا گیا اے۔ ایڈوانس ٹیک پروگرام دے تحت 7 ہزار 500 نوجواناں نوں جدید ٹیکنالوجی وچ بین الاقوامی سرٹیفکیشن دتی جاوے گی۔
2 ارب 60 کروڑ روپے دے ہریالی پروگرام دے تحت زراعت تے گرین انوائرنمنٹ وچ 20 ہزار نوجواناں نوں تربیت دتی جاوے گی۔
پہچان اینڈ امید پروگرام دے تحت 2 ہزار 474 خواجہ سراواں دی تربیت مکمل ہو چکی اے، جدکہ امید پروگرام دے تحت 10 ہزار خصوصی افراد نوں تربیت دتی جاوے گی۔
ٹیوٹا دے 69 اداریاں وچ یورپی کوالیفکیشن فریم ورک دے مطابق ہر سال 45 ہزار 700 نوجواناں نوں تربیت دتی جاوے گی۔
وزیراعلیٰ مریم نواز نے گلگت بلتستان دے عوام نوں ڈوگرہ راج توں آزادی تے پاکستان نال الحاق دی 79ویں سالگرہ اُتے دلی مبارکباد وی دتی۔ انہاں آکھیا کہ یکم نومبر 1947 گلگت بلتستان دی تاریخ دا اک اہم تے یادگار دن اے۔
