کاش سیاستدان آپسی تعلقات چھڈ کے ملک لئی کم کرن: محسن نقوی
جے اللہ پاک ذمہ داری دیندا اے تاں اوہدا حساب وی لیندا اے: وفاقی وزیر داخلہ
نوجوان ساڈے لئی بہت زیادہ اہم نیں: امریکی سینٹر دی تقریب نال خطاب
لاہور (این این آئی) وفاقی وزیر داخلہ محسن نقوی نے آکھیا اے کہ کاش ساڈے سیاستدان آپسی تعلقات چھڈ کے صرف پاکستان لئی کم کرنا شروع کر دین تاں سانوں کسے ہور شے دی لوڑ نہ پئے۔
امریکن سینٹر فار ایکسیلنس دے زیرِ اہتمام ہیلتھ ریکس دی افتتاحی تقریب نال خطاب کردیاں محسن نقوی نے آکھیا کہ جے اللہ پاک ذمہ داری دیندا اے تاں اوہدا حساب وی لیندا اے۔ نوجوان ساڈے لئی سب توں زیادہ اہم نیں، ایس لئی موجودہ حکومت نے آئی ٹی سیکٹر نوں بہت زیادہ سپورٹ دتی اے۔
وزیر داخلہ نے آکھیا کہ میں جاندا آں کہ رات نوں جاگ کے کم کرنا کِنّا مشکل ہوندا اے۔ مینوں امید اے کہ ان شاء اللہ ہور پاکستانی وی پاکستان وچ ایس طرح دا سیٹ اَپ قائم کرن گے۔
