لہورسمیت پنجاب وچ ساون دی جھڑی لگ گئی

لہور: لہور سمیت پنجاب دے مختلف علاقیاں وچ بارش نال موسم خوشگوار تے ہو گیئا لیکن بد نصیبی نال کئی علاقے دریاواں دا منظر پیش کرن لگ پیے۔ لہور وچ کئی علاقیاں وچ تیز بارش ہوئی ، بند روڈ ، مال روڈ ،گلشن روای، لکشمی چوک ، گڑھی شاہو، ایئر پورٹ تے کئی آسے پاسے دے علاقیاں وچ خوب بارش پئی ، جس توں بعد موسم کافی خوشگوار ہو گیا تے کئی علاقیاں وچ پانی وی جمع ہو گیا ، لیسکو دا ترسیلی نظام بیٹھ گیا ، شہری بتی توں محروم ہوگئے۔ جھنگ، شور کوٹ، منچن آباد سمیت پنجاب دے مختلف علاقیاں وچ کدھرے ہلکی تے کدھرے تیز بارش ہوئی جس نال گرمی دا زور کافی ٹُٹ گیا ۔ موسم دی خبر دیون والیاں نے آکھیا کہ اسلام آباد ،بالائی پنجاب ، خیبر پختونخوا، زیریں سندھ، کشمیر ، گلگت بلتستان وچ آندھی تے گرج چمک نال بارش ہوئی ، اج جموں وچ ودھ توںودھ درجہ حرارت 34، سری نگر29سینٹی گریڈ رہیے گا۔