اسلام آباد ہائیکورٹ: بانی پی ٹی آئی نال جیل وچ ملاقات دی درخواست 5 نومبر نوں سماعت لئی مقرر
اسلام آباد (اپنے نامہ نگار توں) اسلام آباد ہائیکورٹ وچ بانی پی ٹی آئی نال جیل وچ ملاقات بارے وڈی پیش رفت ہوئی اے۔ نیشنل ڈائیلاگ کمیٹی دے ارکان دی جیل وچ ملاقات کرواؤن دی درخواست 5 نومبر نوں سماعت لئی مقرر کر دتی گئی اے۔
رجسٹرار آفس دے اعتراضات دے نال جسٹس عمیر مجید ملک درخواست اُتے سماعت کرن گے۔
سینئر وکیل فیصل فرید دے ذریعے دائر درخواست وچ فواد چوہدری، عمران اسماعیل، محمود مولوی تے بیرسٹر سیف نے سیکرٹری داخلہ، سیکرٹری ہوم پنجاب تے سپرنٹنڈنٹ اڈیالہ جیل نوں فریق بنایا اے۔ درخواست وچ استدعا کیتی گئی اے کہ عدالت عمران خان تے بشریٰ بی بی نال اڈیالہ جیل وچ ملاقات کرواؤن دا حکم جاری کرے۔
