سابق ڈی جی ہاؤسنگ دی جبری برطرفی نوں ریٹائرمنٹ وچ بدلنے خلاف حکومتی اپیل مسترد
اسلام آباد (کورٹ رپورٹر) سپریم کورٹ نے سابق ڈی جی ہاؤسنگ محمد ایوب دی جبری برطرفی نوں ریٹائرمنٹ وچ تبدیل کرن بارے سروس ٹربیونل دے فیصلے خلاف وفاقی حکومت دی اپیل مسترد کر دتی۔
جسٹس عائشہ ملک دی سربراہی وچ دو رکنی بینچ نے کیس دی سماعت کیتی۔ ایڈیشنل اٹارنی جنرل شفقت عباسی نے مؤقف اختیار کیتا کہ محمد ایوب نے قائم مقام ڈی جی ہاؤسنگ دے طور اُتے 915 غیر قانونی الاٹمنٹاں کیتیاں سن۔ اوہ گریڈ 18 دے ملازم سن تے قانون دے تحت انہاں نوں ڈی جی دا چارج نہیں دتا جا سکدا سی۔
جسٹس عائشہ ملک نے ریمارکس دتے کہ دستاویزی ثبوت دکھاؤ، گھٹ توں گھٹ تحقیقات تے قانون دے مطابق کرو۔ عدالت نوں دسیا گیا کہ محکمانہ انکوائری توں بعد محمد ایوب نوں نوکری توں برطرف کر دتا گیا سی۔
