لہور ہائیکورٹ : فلور مِلاں اُتے 17فیصد سیلز ٹیکس دے خلاف حکم امتناع جاری

لہور: لہور ہائیکورٹ نے فلور مِلاں اُتے 17فیصد سیلز ٹیکس لاون دے خلاف حکم امتناعی جاری کر دتا ،لہور ہائیکورٹ دے جسٹس شاہد کریم نے درخواست اُتے سماعت کیتی ، درخواست گزار نے موقف اختیار کیتا کہ سیلز ٹیکس رولز دے مطابق آٹے سمیت ہور چیزاں نوں ٹیکس توں استشنیٰ حاصل اے ، قانون دے مطابق فلور مِلاں اُتے ٹیکس نہیںلایا جا سکدا۔درخواست گزار دے وکیل نے پوائنٹ چُکیا کہ پنجاب حکومت آٹے دی قیمت نو ں کم کرن لئی مختلف کمیٹیاں بنا رہی اے تے دُوجے پاسے فلور مِلاں نے ہر 17فیصد سیلز ٹیکس لا دتا جو کہ بدنیتی اے لہذا عدالت نوں اپیل کہ پنجاب حکومت سے ایس اقدام نوں کالعدم قرار دتا جائے۔لہور ہائیکورٹ نے درخواست دی سماعت لئی منظور کردیاںہوئیاں پنجاب حکومت نوں فلور مِلاں توں 17فیصد سیلز ٹیکس وصول کرن توں روکن لئی حکم امتناع جاری کر دتا ۔