ٹیکس گوشوارے جمع نہ کراؤن والے شہری ایکٹو ٹیکس پئیرز لسٹ وچوں خارج
اسلام آباد (این این آئی) ایف بی آر نے انکم ٹیکس گوشوارے جمع نہ کراؤن والیاں دے خلاف کارروائی شروع کر دتی اے۔
پہلے مرحلے وچ 31 اکتوبر تک ٹیکس ریٹرن جمع نہ کراؤن والیاں دے ناں ایکٹو ٹیکس پئیرز لسٹ وچوں خارج کر دتے گئے نیں، جس دے نتیجے وچ انہاں نوں مختلف مالی لین دین اُتے ودھ شرح نال ٹیکس ادا کرنا پئے گا۔
ایف بی آر دے مطابق ایکٹو ٹیکس پئیرز لسٹ وچ دوبارہ شامل ہون لئی انفرادی ٹیکس دہندگان نوں 25 ہزار روپے، ایسوسی ایشنز نوں 50 ہزار روپے تے کمپنیوں نوں اک لاکھ روپے سرچارج ادا کرنا پئے گا۔
