فضا توں فضا وچ مار کرن والا پہلا پاکستانی ساختہ میزائل دا تجربہ
فَاز میزائل جدید ترین ٹرمینل گائیڈنس سسٹم نال لیس اے۔ ایہہ لمبے فاصلے اُتے موجود نشانے کامیابی نال تباہ کرن دی صلاحیت رکھدا اے۔ ایس میزائل نال پاک فضائیہ دیاں آپریشنل صلاحیتاں وچ نمایاں اضافہ ہووے گا، جدکہ ملکی دفاعی صلاحیتاں تے فضائی دفاعی نظام ہور مضبوط ہون گے۔ صدر مملکت، وزیراعظم، چیف آف ڈیفنس فورسز تے فوجی سربراہاں ولوں میزائل دی کامیاب آزمائش اُتے سائنسداناں تے انجینئرز نوں مبارکباد۔
اسلام آباد، راولپنڈی پاکستان نے دفاعی تے ایرو سپیس ٹیکنالوجی دے شعبے وچ اک ہور اہم سنگ میل عبور کردیاں فضا توں فضا وچ مار کرن والے پہلے ملکی میزائل ’’فَاز‘‘ دا تجربہ کر لیا اے۔
پاک فوج دے شعبۂ تعلقات عامہ (آئی ایس پی آر) دے مطابق فَاز میزائل جدید ترین ٹرمینل گائیڈنس سسٹم نال لیس اے تے لمبے فاصلے اُتے موجود نشانے کامیابی نال تباہ کرن دی صلاحیت رکھدا اے۔ آئی ایس پی آر دا کہنا اے کہ میزائل دی کامیاب آزمائش نال پاک فضائیہ دیاں آپریشنل صلاحیتاں وچ نمایاں اضافہ ہووے گا، جدکہ ملکی دفاعی صلاحیتاں تے فضائی دفاعی نظام ہور مضبوط ہون گے۔
ترجمان پاک فوج دے مطابق فَاز میزائل دا کامیاب تجربہ پاکستان دی دفاعی صنعت وچ تکنیکی مہارت، جدت تے مقامی سطح اُتے جدید دفاعی ٹیکنالوجی دی تیاری دا ثبوت اے۔ ایس کامیابی نوں قومی ایرو سپیس تے دفاعی صلاحیتاں دے فروغ وچ اک اہم سنگ میل قرار دتا گیا اے۔
میزائل دے کامیاب فلائٹ ٹیسٹ دا مشاہدہ پاکستان دیاں مسلح افواج دے سینئر افسراں دے نال اوہناں سائنسداناں تے انجینئرز نے وی کیتا، جنہاں نے ایس جدید ہتھیار دی تیاری وچ اہم کردار ادا کیتا۔
صدر مملکت، وزیراعظم، چیف آف ڈیفنس فورسز تے مسلح افواج دے سربراہاں نے میزائل دی کامیاب آزمائش اُتے سائنسداناں تے انجینئرز نوں مبارکباد دِتی تے ایس اہم کامیابی نوں سراہیا۔
