ناجائز پالیسیاں تے وسائل اُتے قبضہ قبول نہیں، فضل الرحمٰن
عوام دے حقاں، جمہوریت تے قومی خودمختاری دے تحفظ دی جنگ لڑ رہے آں، عالمی طاقتاں یا ملک دی کوئی طاقت وسائل ہڑپ نہیں کرن دیواں گے: مولانا امجد
لاہور (سٹاف رپورٹر) جمعیت علمائے اسلام دے سربراہ مولانا فضل الرحمٰن نے آکھیا اے کہ جمعیت علمائے اسلام آئین دی بالادستی، عوام دے حقاں، جمہوریت تے قومی خودمختاری دے تحفظ دی جنگ لڑ رہی اے۔ اوہ مانسہرہ وچ ملک وحید دی جمعیت علمائے اسلام وچ شمولیت دی تقریب نوں خطاب کر رہے سن۔
اُنہاں آکھیا کہ ناجائز پالیسیاں تے وسائل اُتے قبضہ کسے وی صورت قبول نہیں کراں گے۔ مولانا محمد امجد خان نے خطاب کردیاں آکھیا کہ وقت گھٹ تے مقابلہ سخت اے، پاکستان دا مستقبل ساڈا انتظار کر رہیا اے۔ ملک نوں مضبوط، مستحکم تے معاشی طور اُتے خوشحال بناؤن تے قومی اتحاد نوں فروغ دین لئی جمعیت علمائے اسلام دے کردار دی اشد ضرورت اے۔
اُنہاں آکھیا کہ اسیں عالمی طاقتاں تے ملک دے اندر موجود کسے وی طاقت نوں عوام دے حق ہڑپ کرن تے ملکی وسائل اُتے قبضہ کرن دی اجازت نہیں دیواں گے۔
