پاک بحریہ نے دل کے مریض نوجوان کا نیول افسر بننے کا خواب پورا کردیا
کراچی (دنیا نیوز) پاک بحریہ نے راجن پور نال تعلق رکھن والے 17 سالہ محمد عباد حسین دی نیول افسر بنن دی خواہش پوری کر دتی۔ محمد عباد پیدائشی طور اُتے دل دی بیماری وچ مبتلا اے۔
چیف آف دی نیول سٹاف ایڈمرل نوید اشرف نے اوہنوں اعزازی سب لیفٹیننٹ بناؤن دی منظوری دے دتی۔
محمد عباد نے اپنے والدین دے نال پاک بحریہ دے جہاز ’’خیبر‘‘ دا دورہ کیتا، جتھے اوہنوں جہاز دیاں صلاحیتاں تے اتھے کم کرن دے طریقہ کار بارے آگاہ کیتا گیا۔
ایس موقعے اُتے اعزازی سب لیفٹیننٹ محمد عباد حسین نے پاک بحریہ دا شکریہ ادا کیتا۔ نیول افسر بنن دی خواہش پوری ہون اُتے عباد نے خوشی دا اظہار کیتا تے ایس دن نوں اپنی زندگی دا یادگار دن قرار دتا۔
