شریف فیملی دا کم ای چیونٹی وانگ دریا پار کرنا اے: اعتزاز

ملکی حالات چنگے نئیں، مولانا اپنے والد دے نقشِ قدم اُتے چل رہے نیں، عمران خان دیاں بھیناں تے خواتین رہنماواں نال ظلم ہو رہیا اے: گفتگو

لاہور (کورٹ رپورٹر) سینئر قانون دان اعتزاز احسن دا کہنا اے کہ ایس ویلے ملک دے حالات چنگے نئیں۔ شریف فیملی دا کم ای ایہہ اے کہ اوہ چیونٹی وانگ دریا پار کردے نیں، مولانا فضل الرحمٰن اپنے والد دے نقشِ قدم اُتے چل رہے نیں۔

لاہور ہائیکورٹ دے احاطے وچ میڈیا نال گل بات کردیاں انہاں ہور آکھیا کہ 2013 دیاں چوناں وچ ووٹراں دے گھراں نوں جان توں بعد نواز شریف نے وکٹری سپیچ کیتی۔ نواز شریف نے آکھیا سی کہ مینوں دو تہائی اکثریت چاہیدی اے، ایہہ گل انہاں کِنوں مخاطب کرکے آکھی سی؟ اوس ویلے 35 پنکچر لائے گئے سن۔ خواجہ آصف نے رات باراں وجے آکھیا سی کہ مینوں ہرایا جا رہیا اے۔ نواز شریف دے نال میرے نال وی معاہدہ کیتا گیا سی۔

اعتزاز احسن نے آکھیا کہ بانی پی ٹی آئی عمران خان دیاں بھیناں نال ظلم کیتا جا رہیا اے۔ جے بانی نال ملاقات ہوئی تاں انہاں نوں آکھاں گا کہ کارکن نوں نہ تھکاؤ۔ یاسمین راشد، عالیہ حمزہ سمیت کئی خواتین پہلے ای جیل وچ نیں۔ اسیں لانگ مارچ کیتا سی، جدوں میں دھرنا ختم کیتا تاں ساری قیادت میرے خلاف ہو گئی سی۔