دشمن اُتے برتری حاصل کرن لئی دفاعی صلاحیتاں وچ ترقی تے آپریشنل تیاریاں ناگزیر نیں: فیلڈ مارشل
دشمن اُتے برتری برقرار رکھن لئی دفاعی صلاحیتاں دی ترقی تے آپریشنل تیاریاں ناگزیر نیں: فیلڈ مارشل
سی ڈی ایف عاصم منیر دا ہیڈکوارٹرز ایس ایس جی تربیلا دا دورہ، یادگارِ شہدا اُتے حاضری، پھلاں دی چادر چڑھائی تے فاتحہ خوانی۔ ایس ایس جی دے جواناں ولوں جنگی مہارت، تیز رفتاری، درست کارروائی دیاں صلاحیتاں تے جدید ترین آلات دا عملی مظاہرہ۔
راولپنڈی (خصوصی نیوز رپورٹر) چیف آف ڈیفنس فورسز (سی ڈی ایف) فیلڈ مارشل سید عاصم منیر نے آکھیا اے کہ بدل دے ہوئے سکیورٹی خطرات تے نویں چیلنجز دا مؤثر مقابلہ کرن تے دشمن اُتے برتری برقرار رکھن لئی مسلسل تربیت، دفاعی صلاحیتاں دی ترقی تے آپریشنل تیاریوں اُتے غیر متزلزل توجہ بہت ضروری اے۔
پاک فوج دے شعبہ تعلقاتِ عامہ (آئی ایس پی آر) دے مطابق فیلڈ مارشل سید عاصم منیر نے ہیڈکوارٹرز سپیشل سروسز گروپ (ایس ایس جی) تربیلا دا دورہ کیتا، جتھے جی او سی ایس ایس جی نے انہاں دا استقبال کیتا۔
فیلڈ مارشل سید عاصم منیر نے یادگارِ شہدا اُتے پھلاں دی چادر چڑھائی تے فاتحہ خوانی کیتی۔ انہاں نے مادرِ وطن دے دفاع وچ اپنی جاناں دا نذرانہ پیش کرن والے ایس ایس جی دے شہدا نوں خراجِ عقیدت پیش کیتا۔
آئی ایس پی آر دے مطابق دورے دوران آرمی چیف تے چیف آف ڈیفنس فورسز نوں ایس ایس جی دی خصوصی تربیت، آپریشنل تیاریوں تے مشناں دی تکمیل لئی صلاحیتاں بارے تفصیلی بریفنگ دتی گئی۔
ایس موقع اُتے انہاں نوں جدید ترین خصوصی آلات دا مظاہرہ وی وکھایا گیا، جدکہ ایس ایس جی دے جواناں نے خصوصی آپریشنز وچ اپنی جنگی مہارت، تیز رفتاری تے درست کارروائی دیاں صلاحیتاں دا عملی مظاہرہ کیتا۔
افسران تے جواناں نال گفتگو کردیاں فیلڈ مارشل سید عاصم منیر نے انہاں دی پیشہ ورانہ مہارت، بلند حوصلے تے فرائض نال غیر متزلزل وابستگی نوں سراہیا۔
انہاں آکھیا کہ بدل دے ہوئے سکیورٹی خطرات تے نویں چیلنجز دا مؤثر مقابلہ کرن تے دشمن اُتے برتری برقرار رکھن لئی مسلسل تربیت، مقامی سطح اُتے دفاعی صلاحیتاں دی ترقی تے آپریشنل تیاریوں اُتے کوئی سمجھوتہ نہ کرن والی توجہ ناگزیر اے۔
