صاف توانائی دا تناسب 52 فیصد، 2036ء تک 90 فیصد تک پہنچاؤن دا ہدف
بجلی گھر مقامی کوئلے اُتے منتقل کرن دے منصوبے اُتے پیش رفت جاری: اویس لغاری
وزیر توانائی نال ڈاکٹر شذرہ منصب دی ملاقات، موسمیاتی اہداف اُتے تبادلۂ خیال
اسلام آباد (نامہ نگار) وزیر توانائی سردار اویس احمد خان لغاری نے آکھیا اے کہ پاکستان دے توانائی دے مجموعی ذرائع وچ صاف توانائی دا تناسب 52 فیصد تک پہنچ چکیا اے، جدکہ حکومت نے 2036ء تک ایس شرح نوں ودھا کے 90 فیصد تک لے جان دا پرعزم ہدف مقرر کیتا اے۔ ملک وچ شمسی توانائی دا استعمال تیزی نال ودھ رہیا اے تے ایہ عوامی انقلاب دی شکل اختیار کر چکیا اے۔
ایہ گل انہاں وزیر مملکت برائے موسمیاتی تبدیلی ڈاکٹر شذرہ منصب نال ملاقات دوران آکھی۔ اویس لغاری نے دَسیا کہ درآمدی کوئلے توں بجلی پیدا کرن والے بجلی گھراں نوں مقامی کوئلے اُتے منتقل کرن دے منصوبے اُتے وی تیزی نال پیش رفت جاری اے۔
ایس اقدام نال درآمدی ایندھن اُتے انحصار گھٹاؤن تے قیمتی زرمبادلہ دی بچت وچ مدد ملے گی۔ وزیر مملکت ڈاکٹر شذرہ منصب نے بجلی دے شعبے وچ ماحول دوست توانائی دے فروغ لئی پاور ڈویژن دے اقدامات نوں سراہیا۔
